Este es uno de los textos de latín medieval de la antología A Primer of Medieval Latin de Beeson.
Texto 24 en Beeson, 2 en Hadavas.
Rex quidam regnavit in cuius imperio erat quidam iuvenis a piratis captus, qui scripsit patri suo pro redemptione. Pater noluit eum redimere sic quod iuvenis multo tempore in carcere erat maceratus.
Ille qui eum in vinculis habebat quandam pulchram filiam ac oculis hominum gratiosam genuerat, quae nutrita in domo erat quousque viginti annos in aetate sua compleverat, quae saepius incarceratum visitatum ivit ac consolabatur. Sed ille in tantum desolatus erat quod nullam consolationem recipere poterat sed suspiria et gemitus continue emittebat.
Accidit quodam die quod, cum puella eum visitaret, ait iuvenis ei: «O bona puella, utinam velles pro mea liberatione laborare!»
Aprende latín y griego antiguo desde cero al mejor precio con esta oportunidad única. Aprovecha el combo latín & griego antiguo por 399 € para siempre.
Accede a las futuras ampliaciones con textos largos, actividades concretas, etc. Un solo pago, acceso para siempre, sin suscripciones recurrentes.
Quae ait: «Quomodo potero hoc attentare? Pater tuus qui te genuit non vult te redimere, ego vero, cum sim tibi extranea, quomodo deberem hoc cogitare? Et si te liberarem offensionem patris mei incurrerem quia tuam redemptionem perderet pater meus. Verumtamen mihi unum concede et liberabo te.»
Ait ille: «O bona puella, pete a me quid tibi placuerit. Si mihi est possibile ego concedam.»
At illa: «Nihil aliud peto pro tua liberatione nisi quod me in uxorem ducas tempore opportuno.»
Qui ait: «Hoc tibi firmiter promitto.»
Statim puella patre ignorante ipsum a vinculis liberavit et cum eo ad patriam suam fugit. Cum vero ad patrem suum venisset, ait ei pater: «O fili, de tuo adventu gaudeo. Sed dic mihi qualis est ista puella quam tecum duxisti?»
Ait ille: «Filia regis est quam in uxorem habeo.»
Ait pater: «Sub poena amissionis hereditatis tuae nolo ut eam in uxorem ducas.»
Ait ille: «O pater, quid dicis? Plus ei teneor quam tibi. Quando captus eram in manus inimici et fortiter vinculatus tibi pro mea redemptione scripsi et noluisti me redimere. Ipsa vero non tantum a carcere sed a periculo mortis me liberavit; ideo eam in uxorem ducere volo.»
Ait pater: «Fili, probo tibi quod non possis in eam confidere et per consequens nullo modo in uxorem ducere. Patrem proprium decepit quando ipso ignorante te a carcere liberavit. Pro qua liberatione pater eius multa perdidit quae pro tua redemptione habuisset. Ergo videtur quod tu non possis in eam confidere et per consequens nullo modo in uxorem ducere. Item alia ratio est. Ista licet te liberavit hoc fuit causa libidinis ut posset te in virum habere et ideo quia eius libido erat causa liberationis tuae non mihi videtur quod uxor tua erit.»
Puella audiens istas rationes ait: «Ad primam respondeo quando dicis quod ego decepi patrem meum proprium quod non est verum. Ille decipitur qui in aliquo bono diminuitur. Sed pater meus tam locuples est quod alicuius auxilio non indiget. Cum hoc perpendi, iuvenem istum a carcere liberavi et si pater meus pro eo redemptionem accepisset non multum propter hoc ditior fuisset et tu per redemptionem depauperatus esses. Ergo in isto actu te salvavi quod redemptionem non dedisti, et patri meo nullam iniuriam feci. Ad aliam rationem quando dicis quod ego ex libidine hoc feci respondeo: hoc nullo modo potest fieri quia libido aut est propter pulchritudinem aut propter divitias aut propter fortitudinem. Sed filius tuus nullum istorum habuit quia pulchritudo eius per carcerem erat annihilata; nec dives fuit quia non habuit unde se ipsum redimeret; nec fortis quia fortitudinem perdidit per carceris macerationem. Ergo sola pietas me movebat quod ipsum liberavi.»
Pater hoc audiens non potuit filium arguere ulterius. Filius ergo cum magna sollemnitate eam in uxorem duxit et in pace vitam finivit.
Histori(et)as de griegos y romanos
Lo más probable es que ames el latín, el griego, el mundo clásico en general...
Si te gustan los griegos y romanos, el mundo antiguo y las historias, historietas y anécdotas… tengo histori(et)as de griegos y romanos para ti.
Cada día recibirás un correo con una histori(et)a de griegos al principio y más tarde de romanos. Las lees en menos de cinco minutos.
Moralisatio
Carissimi, filius captus a piratis erat totum genus humanum, captum per peccatum primi parentis in carcere daemonis, scilicet in eius potestate. Pater, qui noluit eum redimere, est mundus iste, qui nullo modo volebat hominem iuvare a carcere diaboli sed potius eum tenere. Filia, quae eum in carcere visitavit, est divinitas animae coniuncta, quae humano generi compatiebatur, quae post passionem suam ad infernum descendit et hominem a vinculis diaboli liberavit.
Pater vero caelestis nostris divitiis non indiget quia super omnia est dives et summe bonus. Ideo Christus motus pietate ad nos de caelis descendit, nos visitavit, quando carnem nostram assumpsit, et tamen nihil aliud petiit pro nostra redemptione nisi quod sit homini desponsatus, iuxta illud Oseae II: «Desponsabo eam mihi in fide.»
Verum tamen pater noster mundus, cui multi oboediunt, contra hoc semper murmurat et allegat: «Si Deo adhaereas, hereditatem meam, id est, mundana, non habebis, quia impossibile est Deo servire et Mammonae, Matth. vi.» Sed melius est nobis spernere mundum quam societatem Dei amittere, iuxta illud Matth.: «Qui reliquerit patrem et matrem, uxorem aut agros propter me, centuplum accipiet et vitam aeternam possidebit. Quam nobis» etc.*
* Quam nobis tribuere dignetur Iesus Christus, filius Dei vivi, qui cum patre et spiritu sancto regnat in sempiterna saecula. Amen.
